//هاى قصتي وي السمر//
احچي قصتي من البدايه
مستمره بلا نهايه.
روحي حبت من صباها.
والهوى.ويه الروح غايه.
علمتني الشعر..بين عيونها
من اكتب.سطر..
مدلله.من اهل.العراگ
شفت.مابين.الظفاير.
بيها يزدان.العمر.....
سمره..والطول شحلاته
وعينها.بخدها. بحر.
شرد اوصفها.واگولن
مايجي.بوصفي الشعر
حسن بغداد.بشواطي الشوك
ياعيني جمر..
تمرجحينا.بدجله..غنوه.
بعيد والدنيا عصر.
ايد بايد وطافت الدنيا
بهوانه..بيها حسدوني اشكثر
چنها.من تمشي.رمح
وتهزه ريح.
وأنه فرحان واغني مستريح
من تشت عني بزحام الناس
اتسودن وأصيح..
ساكنه بنص الجفن.خافن
من ارمش تطيح.
حبنا مو مثل.الصبايه.ولا
مثل كل البشر.
اشلون.من.نمشي العصاري
ونوگف.بفي الشجر..
اخذ.من.الخد.رغبتي..
واشتم بعطر الشعر...
شوف من تحچي بتغنج
والثغر..محبس.غوى....
سحر بيه ذاك الثغر......
اتسودنيت بحبها لا اعرف
وكت.الا بوكتها..
الله.يا.حبها.التعدا الحد
فديت الها العمر.
ابين ايدي الما ي اشربها
احبنها اشكثر...
افرش.الجسمي طريج.
خايف.يحسدوها فراشه
وتمر.
هاي قصتي وي السمر
//عبدالله العامرى//
تعليقات
إرسال تعليق