رضا رب الوجود
....................
أمانى خيال .. آمال أحلام
بتنده كل يوم إنسان
ورحمة ربنا المنان
بتكتب فى الوجود حلمك
ومهما قلت أنا عالم
ف هيفيد بايه علمك
اذا ربك عليك غضبان
لا حلم يفيد ولا أوهام
يا هايم فى الحياة ناسى
اساس المجد ... الإخلاص
وتقوى لربك المعبود
تحبب فيك جميع الناس
وسجده واحده بالإخلاص
تفرح قلبك الحساس
رضى الرحمن هدى وأمان
ودعوة أم بمحبه
تفتح لك سكك وببان
رضى ربك مع الوالدين
وكلمة خير تداوى عليل
تفرج هم كل حزين
صفاء القلب والنية
وبسمة بنفس مرضية
بتسعد كل قلب جريح
بتغزل م الأمل اناشيد
ترانيم ود ومحبة
على كل الوجود تفرش
امانى صافيه وردية
ونجمه فى السما تلالى
تنور فى الحياة دروبنا
جمال الحق جمعنا
وخلى للحياة معنى
ومن غير ربنا فى الكرب
بندعى له فيسمعنا
رضا رب الوجود جنه
يارب الكون توفقنا
وتهدينا وترحمنا
وتحمينا من الدنيا
واهواءنا وترحالنا
رضاك عنا أمل وحياة
ومن غيرك هيرحمنا
يارب ياخالق الجنه
رضاك نور طريق الخير
رضاك سكتنا للجنه
أيمن أبو الدنيا
تعليقات
إرسال تعليق