صحيح
***********
صحيح هيا مش جنبى
ولا بشوفها غير فى الحلم
ومش بقابلها ولو بالصدفه
ولا ايدى ف يوم لمستها
ولا اعرف حتى عنوان بيتها
.انما هيا ساكنه جوايا
واقرب ليا من نفسى
ونفسى دايما معكسانى
وساعات تقولى انسانى
وانا رافض بكل نقطة دم
وعرق جبينى يواسينى
ولحظه من احساسى تبكينى
لو حتى فكرت ولو بجنون
انى انساها واعيش فى غيوم
وكيانى كله بيتمزع بغيابها
ولما طيفها بيزورنى
كانى لابس لبس العيد
وبجرى ويا اصحابى
ونتسابق مع الاحلام..
شراعها كيان ومبنى حصين
وحلم جميل بدعى ربى
ما يهرب يوم ويسيبنى
ومش طماع انى اشوفها وش لوش
ولا حتى اسلم ولو سلام بالايد
ولا بحلم حتى صوتها
يزورنى ولو غلطه ف تليفون
بقيت عاشق انا ومجنون
لروحها الهاديه والساكنه
جوايا ومتشيكه بروحى
بعزم واصرار ماتفارق
الا لما يدخل جسدى ف قبر
وتطمن ان ما فى القبر
اناث ولا ارواح
ولا زوار من الستات
ولاحتى بنات ولا تاء تانيث
==============
محمد العليمى
تعليقات
إرسال تعليق