جهجه الضو
..................................
جهجه الضو وشعشع النور
وبالحقلة عنا رقصت لزهور
وشمس الشموسة متل العروسة
عم تضوي بنورا الأرض المحروسة
وزنود السمرا يطول بعمرا
تزرع وتروي هالأرض الخضرا
وبهالبستان الورد بألوان
وعصفور يغني فوق الأفنان
..........................
قوم سبح ربك عند الصبحية
واقصد أبوابو بهمة قوية
واسعى للرزقة اشتغل يومية
ولاتبقى عالة على هالبشرية
بتعبك وبكدك بتعمل بنيان
بتبني لأولادك حصن الأمان
وزيد بنشاطك لاتكون كسلان
وشغلي عقلك تا تصير إنسان
..........................
الكسلان يا إبني بعمرو ما صار
لا بيعمر بيتو ولا بيملك دار
تعلملك صنعة تا تصير رجال
عملك هو شرفك مش هوه العار
واعملك ثروة لهالأولاد
وبإيدك إبني صرح الأمجاد
واحمي بلدنا من هالأوغاد
افديها بروحك أرض الأجداد
...........................................
د . ملك محمود الأصفر
تعليقات
إرسال تعليق