بيوت للشاعر ابراهيم خليفه رمضان
بيوت .. بيوت .. بيوت
بيوت بضم خلق
وبيوت بضم خدش
وبيوت بتلعق في السما لونه
طايله السما ونجومه
بتحول الفوانيس قزاز بيسحر ضلها
لون السما ضامم حلمها
وبيوت بيخدشها التراب من كتر ما اتململت
وانا واحد ف وسط الخلق
ماسك حزمة الافراح ف كف
وحزمة الاحزان ف كف
عمر الفرح ما يطول
وكفة الاحزان بتسحب ضلها
ضل العذاراي المحتارين
بسؤال مطوي بجواب
انا بنت مين يا ولد
انا بنتك انت
لما جيتني اضمني
وتاخدني فوق
فوق السما السما ملاينه روح
فوانيس بتملي الكون فرح
لكن اللي جاي كان لون سواد
لما سبتني وبعدت حسيت كأني شيء فراغ
ما هو احناالاتنين
قلب واحد
حلم واحد
بس آه لماالفراق يسرق الحلم الجميل
تعليقات
إرسال تعليق