لما بقى صاحب جاه
راح وغير الإتجاه
عمره كان ماشى يمين
مين ع الشمال غواه
لما بقى صاحب مال
والفيزا دايما وياه
نسى صحابه القدام
قال يجدد ياولداه
اللى عارفنى عمره مايسمح
أنى أتكبر عليه
هو عارفنى وعارف أنى
م أقدرش أحط عينى ف عنيه
ياما قسمنا اللقمه زمان
والجيب م فيهوش جنيه
قال يصاحب البعيد
لا هيشترينى ولا أشتريه
دى صحوبيه يدوب مصالح
وصاحبى هو الجنيه
يوم م أتكبر عليه وأهينه
هيقولى شكرا يابيه
راح نعمل أيه بالصحوبيه
ليه أفتكر الماضى ليه
جايز يوم يحتاج ليا
ويصعب عليا الجنيه
وأن لفيت وشى عنه
هيقول كل اللى مخبيه
يبقى الصح أبعد عنه
وأنسى ماضيا وماضيه
( أسامه جديانه)
تعليقات
إرسال تعليق