قلم
من ديوان بيحسدوك على إيه
للشاعر / مصطفى فريد
مسكين يا صاحب القلم
فكرك طلق رمحة
صابك وخلى الألم
جواك يطول شرحه
نزف الأنين ع الورق
سرق العويل طرحه
والدم لما انحرق
الكلب زاد نبحه
سبق وقال كلمته
لابد عن دبحه
الجهل سيفه برق
سبق الزمن رمحه
عطش السنين غرقك
وشربت من ملحه
خلى الحبيب دوقك
أسوء ما فى جرحه
لا عطف عليك الزمن
ولا دقت يوم فرحه
وبرغم جرح السنين
والحرف إللى ماسك فيك
إياك تسيب القلم
مهما أذاك سامحه
تعليقات
إرسال تعليق