الكتمان)
ياما ف قلبى كتمت
وياما كتير خبيت
مش من حرصى
أو من ضعفى
عشان البيت
كنت بعيش الحزن لوحدى
كنت بحارب شيطان نفسى
حتى ف لحظه
لما بكيت
كنت بخبى الدمع ف عينى
كنت بواسى حتى أنينى
مهما تعبت ومهما قاسيت
كان إحساسى بإنى عليت
فوق أوهامى
وفوق أحزانى
مهما قاسيت
إتحملت كتير م القسوه
لكن عمرى ما اتخليت
واتحملت الظلم لوحدى
حتى ف نومى
حتى ف سهدى
قلت أكيد اليوم دا ح يجي
ربك قادر ربك يهدى
واقدر اعيش العمر الضايع
قبل ما عزل واسكن لحدى
وابقى لوحدى
( نبيل الوردانى )
تعليقات
إرسال تعليق