صار لي بغرامك انا عالق خمس اعوام
وعا درب غير الدرب يا بنت بتروحي
ياما مرقتي بليلي كثير بالاحلام
ونظرات عينك الي بتزود جروحي
بحبك وحبي الك عن جد مش اوهام
وبيطيب قلبي وقت بعطورك تفوحي
بحبك وقلبك عليي اصدر الاحكام
هجر وبعاد وجفا وصدود وقروح -ي
روعة جمالك ابد مش راسمه رسام
ولما بشال الزهر يا روح بتلوحي
بتبقي لشعري وقصيدي الوحي والالهام
وكلما بتيجي ترى بترد لي روحي
قلبي ببعدك انا ياما حمل الام
والعين ياما بكت ع بعادك تنوح -ي
لكن بحبك انا يا بنت ما بنلام
حني ع قلبي كفى يا غاليه جنوح -ي
بحلم بحضنك ولو ليله ي عمري نام
تا ذوق طعم الهنا وانتي معي تسوحي
ع سرير واحد معا نحلم سوا احلام
واسرار قلبك الي يا منيتي تبوحي
==== محمود شبيب ====
تعليقات
إرسال تعليق