جميله
أحلى ما فيكى مبسمك
ياما كان نفسى أرسمك
نسمه حلوه على هاله
وقمرايه منوره على طاله
أرسم خدودك حلا التفاح
وجبينك يبدر نور وضاح
ضحكايتك نور للصباح
شعرك ليل وسواد حالك
وعيونك بتفرش ضى
ورموشك أرسمها خناجر
وأنا بينهم طير مهاجر
ولمااتعب من الأسفار
أرسى على شط صدرك
تنام إيدى على قدك
وأشرب من ندى يدك
واسكر جوه عنيكى
واتوه بخمر شفاكى
أمد إيديا الم نجوم
وأغزلهم ليكى فستان
وأقطف ورود الدنيا
وأعملهم فرش الوان
نمد إيدينا نمسك سحاب
ونكتب عليه إننا أحباب
ونركب سوا بساط الريح
وأعترف بحبى صريح
نعدى كل حدود الارض
ونبنى بيت من فروع الورد
هنا ورده وزهره وهنا فله
وشمس النور اهى طاله
لما بيضحك مبسمك
الشاعر/عزالدين جبريل
تعليقات
إرسال تعليق