خربشات وبقايا جرح
لما شوفتك
قلبي دق
لسه فااااااكر
عنده حق
دانتي حب سنين بطولها
كات ليالي .... مين يطولها
كات مشاعر بكر صح
لسه باقي يادوب فلولها
خربشات وبقايا جرح
نجمه في لحظة افولها
..افتكرت..
طعم اول مره
اسمع كلمة بحبك منها
او اقولها
......افتكرت....
طعم أول نظره عشق
اقراها في عيونها
افنكرت!!!!
اول لمسة ايد وتشبيكة صوابع
اومشاورة من بعيد
افتكرت اول بسمه
من اجمل شفايف
وقلبها فرحان وخايف
يكون حد
من عزالنا شافها
.... افتكرت...
حاجات كتيره
صعب اصرح بيها أوأقولها
..... افتكرت....
.... واعترفت...
ان طعم اول
حاجه تعملها في حياتك
صعب جدا يتنسي
صعب جدا يتمحي
صعب جدا في الغرام
تشعربو تاني
مهما حاولت تكرره
مستحيل
يكون بطعم الاوﻻني
لو حتي حاول يشبهه
فرج السقا
تعليقات
إرسال تعليق